Gárddiid hápmi

Heahtebiebmangárdi dárbbaha leahkit nuogis stuora ja eatnamis gos bohccot loktet ja ožžot suoji dálkki ja biekka vuostá. Jeaggi dahje boares gilvieanan lea buorre, muhto dárbbaha maid meahci gárddis suoji dihte. Legiin lea dávjá oalle čoaskkis, ja lea buorre jus bohccot sáhttet mannat badjelii. Ferte maid sáhttit doallat goikkisin ja buhtisin stuorimus oasis gárddis.

  • Jus galgá sáhttit doallat čalmmis visot bohccuid de lea dehálaš ahte eai leat ila ollu bohccot juohke gárddis, ii eanet go 500. Hearkkes áigodagain, dego guottetáiggi, galggalii leat ollu unnit boazolohku.
  • Gárdi ferte leahkit nuogis stuora. Man stuora lea das man guhká bohccot galget leahkit doppe ja makkár dálkedilli lea. (Vuolggasadji) Guhkit áiggi biebman (eanet go mánu) sáhttet leahkit 10-15 bohcco hektáras (100×100 m). Go biebmá bievllan de lea sullii 10 logi bohcco hektáras.
  • Galgá leat vejolaš stuoridit gárddi go lea dárbu. Dasa lassin dárbbahuvvo moadde liigegárddi jus buhtisvuohta hedjona dahje jus leat dávddat.
  • Doala biebmansajiid buhtisin! Geahča eanet heahtebiebmama vuolde.
  • Gárdi buhtis muohttaga haga mearkkaša ahte buhtisvuohta jođánit hedjona ja bohccos ii leat vejolašvuohta čáhcái. Čáhcedárbu lassána go biebmá bohcco pelletsiin.