Manin leat bohccot luottaid nalde?
- Luottat davvi Ruoŧas, sihke rittus ja duottarguovlluin, mannet guohtuneatnamiid cađa. Ja máŋgga sajis leat luottat dahkkon dološ johtingeainnuid badjel gos bohccot lunddolaččaid vájaldit.
- Heajus guohtun, molsašuddi dálkkit ja boraspiret sáhttet dagahit ahte bohccot ohcálit iežá báikkide ja dan dihte sáhttet luottaid nalde leahkit.
- Luottat mat leat sáltejuvvon ja sáddojuvvon geasuhit bohccuid ja eara ealliid njoallut. Eai sii ipmir dan vára mii das cuožžila.
- Ollu muohta sáhtta dagahit ahte bohccot vigget luottaid ja skuterluottaid nala go eai arvva obbasii.
- Luovos beatnagat, skohterjohtolagat ja iežá sisabahkkemat sáhttet balddihit bohccuid ja dagahit ahte eai beasa ráfis guohtut.
Galgá várrogasat vuodjit go oaidná geaidnogalbbaid mat várrejit bohccuin, čáhppes seahkaid mat leat bidjon luoddagurrii ja jus leat bohccoluottat. De soitet bohccot, boazovážžit ja beatnagat leahkit das lahkosis. Muhtin áigodagain ja báikkiin lea váttis doalahit bohccuid eret luottaid nalde. Lea hui deaŧalaš doallat leavttu earanomaziid go lea heajos siivu ja seavdnjat.
Jus lihkohisvuohta dáhpáhuvva de…
- Várre johtolaga ja olbmuid.
- Merke lihkohisvuođabáikki ja guođe čielga bagadallama. Jus ealli lea
ruohttan meahccái de merkes goappá beallái manai. Dat geahpida ohcama.
Fuođđolihkohisvuođaid ferte ilmmuhit buliissaide dalle maid jus leat bohcco nala vuodján 112
