Rievdan dálkkádat

Dálkkádatrievdamiin ii sáhte einnostit dálkkiid ja jahkeáiggiid. Dálvvit oalle molsašuddi dálkkiin stuorra erohusaiguin sihke temperatuvrrain ja njuoskkádagain lea leamaš dábálaš maŋemus jagiid. Go čavčča njuoskkádat jikŋo dievvái, dahje go njázu maŋŋil boahtá galbmaceahki dálvit skártu šattuid badjel, mii dahká veadjemeahttun bohccuide goaivut guohtunšattuin. Garra cuoŋu ja čiekŋalis oppas leat iežá sivat manne bohccot eai gávnna borramuša. Juohke čearu guohtuneatnamat leat gáržžit, lea dušše gieđain heahtebiebmat bohccuid amas nelgot. Várra njoammudávddaide lassána go biebmá.

Mii geat bargat boazodoalus dárbbahit máhtu got mii biebmat vai mii sihkkarastit bohccuid dearvvašvuođa. Lea earret iežá sáhka got biebmangárddit galggaše hábmehuvvot vai suddje bohccuid dávddaid vuostá ja maid galgat bargat jus boazu skihppá dahje jápmá.